ఇండోనేషియాలోని మౌంట్ లెవోటోబి లకి-లకి అగ్నిపర్వతం జూన్ 17, 2025న విస్ఫోటనం చెందడంతో, దట్టమైన బూడిద మేఘాల కారణంగా ఢిల్లీ నుంచి బాలికి వెళ్తున్న ఎయిర్ ఇండియా విమానం (AI2145) సురక్షితంగా ఢిల్లీకి వెనక్కి మళ్లింది. ఈ విమానం సురక్షితంగా ఢిల్లీలో ల్యాండ్ అయ్యింది, ప్రయాణికులందరూ దిగారు.
మౌంట్ లెవోటోబి లకి-లకి అగ్నిపర్వతం ఇండోనేషియాలోని ఈస్ట్ నుసా టెంగ్గరా ప్రావిన్స్‌లోని ఫ్లోరెస్ దీవిలో ఉంది. ఇది 1,584 మీటర్ల (5,197 అడుగుల) ఎత్తైన ట్విన్ అగ్నిపర్వతం, దీని పక్కనే లెవోటోబి పెరెంపువాన్ (మహిళ అని అర్థం) అనే మరో అగ్నిపర్వతం ఉంది.
ఈ విస్ఫోటనంలో బూడిద మేఘం 10,000 మీటర్ల (32,800 అడుగుల) ఎత్తు వరకు ఆకాశంలోకి చిమ్మింది, ఇది 90-150 కిలోమీటర్ల దూరం నుంచి కనిపించింది. బూడిద మేఘం గొడుగు ఆకారంలో వ్యాపించింది. నవంబర్ 2024 loe ఈ అగ్నిపర్వత బహుళ విస్ఫోటనాలతో 9 మంది మరణించారు, వేలాది మంది స్థానభ్రంశం చెందారు.
బాలిలోని ఐ గుస్తి న్గురాహ్ రాయ్ అంతర్జాతీయ విమానాశ్రయంలో 20కి పైగా విమానాలు రద్దయ్యాయి. జెట్‌స్టార్, వర్జిన్ ఆస్ట్రేలియా, ఎయిర్ న్యూజిలాండ్, సింగపూర్ ఎయిర్‌లైన్స్, టైగర్‌ఎయిర్, జునెయావో ఎయిర్‌లైన్స్ వంటి అనేక ఎయిర్‌లైన్స్ విమానాలను రద్దు చేశాయి.
ఎయిర్ ఇండియా విమానం (AI2145), ఢిల్లీ నుంచి బాలికి వెళ్తుండగా, బూడిద మేఘాల కారణంగా సురక్షితంగా ఢిల్లీకి తిరిగి వచ్చింది. ప్రయాణికులకు హోటల్ వసతి, ఉచిత రీషెడ్యూలింగ్ లేదా పూర్తి రీఫండ్‌లు అందించబడ్డాయి.
ఫ్లోరెస్ దీవిలోని ఫ్రాన్సిస్కస్ జేవియర్ సెడా విమానాశ్రయం బుధవారం నుంచి గురువారం వరకు మూసివేయబడింది.
అగ్నిపర్వతం చుట్టూ 8 కిలోమీటర్ల పరిధిలో ప్రమాద జోన్‌గా ప్రకటించబడింది, అత్యధిక అలర్ట్ స్థాయి జారీ చేయబడింది.
సమీపంలోని రెండు గ్రామాల నివాసితులను సురక్షిత ప్రాంతాలకు తరలించారు. గ్రామాలలో రోడ్లు, ఇళ్లు బూడిద, గ్రావెల్, ఇసుకతో కప్పబడ్డాయి. వర్షాలు కురిస్తే లావా ప్రవాహాలు నదులలోకి చేరే ప్రమాదం ఉందని అధికారులు హెచ్చరించారు. ప్రాథమిక నివేదికల ప్రకారం, ఈ విస్ఫోటనంలో ఎటువంటి ప్రాణనష్టం లేదా నష్టం నమోదు కాలేదు.
