- ఒక 42 ఏళ్ల మహిళ బ్రిటన్ లో అరెస్ట్.
- 12 మంది తరపున ఆమె విగ్స్ మార్చుకుని, fake documents తో Life in UK exam కి హాజరయిన ఉదంతం .
- Arrested her in Dartford, Kent.
“Life in the UK” Exam అంటే ఏమిటి?
బ్రిటన్ పౌరసత్వం లేదా అక్కడ శాశ్వత నివాసం పొందాలనుకునే ప్రతి ఒక్కరూ “Life in the UK” Exam రాయాల్సి ఉంటుంది. ఈ పరీక్షలో బ్రిటన్ చరిత్ర, సంస్కృతి, నైతిక విలువలు, ప్రభుత్వ వ్యవస్థ, ప్రజల హక్కులు, బాధ్యతలపై 24 ప్రశ్నలు ఉంటాయి. కనీసం 75% సరైన సమాధానాలు ఇచ్చినవాళ్ళను పాస్ అయినట్లుగా పరిగణిస్తారు. ఐతే, ఈ పరీక్ష రాసే ముందు గుర్తింపు పత్రాలు సమర్పించాల్సి ఉంటుంది. సెక్యూరిటీ కారణాలతో అప్ప్లై చేసుకునేవాళ్ళ ఫొటోలు, బయోమెట్రిక్ ధృవీకరణలు తీసుకుంటారు. కఠినమైన భద్రతా వ్యవస్థ బ్రిటన్ లో ఉంది. ఇక్కడి పౌరసత్వానికి ఈ పరీక్ష ఎంతో ముఖ్యమైంది.
Appearance మార్చుకుని మోసం, మరో మహిళ అదుపులోకి!
42 ఏళ్ల మహిళ తన విగ్స్ తో, మేకప్ తో తన గెటప్స్ మారుస్తూ, పలు UK పరీక్షా కేంద్రాలకు వెళ్లి టెస్ట్ లకు హాజరైనట్టు హోమ్ ఆఫీస్ అధికారుల దృష్టికి వచ్చింది. నకిలీ డాక్యుమెంట్స్ ఇచ్చి ఆమె ఈ టెస్ట్ లు పూర్తిచేసింది. విషయం తెలిసిన వెంటనే కెంట్లోని డార్ట్ఫోర్డ్లో ఉంటున్న ఆమెను అధికారులు అదుపులోకి తీసుకున్నారు. ఇంట్లో తనిఖీ చేస్తుండగా, మరో మహిళ బెడ్ కింద దాక్కుని ఉండడాన్ని అధికారులు గుర్తించారు. ఆమె బ్రిటన్లో అక్రమంగా ఉంటున్న అనుమానంతో ఆమెను కూడా అదుపులోకి తీసుకుని విచారణ మొదలుపెట్టారు.
Valuable వస్తువుల స్వాధీనం!
నకిలీ డాక్యుమెంట్స్ తో పాటు ఖరీదైన హ్యాండ్బ్యాగులు, చెప్పులు, లగ్జరీ బ్రాండ్ వాచ్లు, ఇతర విలాస వస్తువులు వాళ్ళ వద్ద లభించాయి. దేశంలో అక్రమంగా ఉంటూనే నేరాలకు పాల్పడుతూ ఇవి సంపాదించినట్టు హోమ్ అధికారులు అనుమానిస్తున్నారు.
వేషాలు మార్చుకుని, నకిలీ ఐడీలు వాడి టెస్ట్ లకు అటెండ్ అవడం బ్రిటన్ ఇమ్మిగ్రేషన్ వ్యవస్థను పూర్తిగా మోసం చేయడమేనని, దీన్ని తీవ్రమైన విషయంగా చూస్తున్నట్టు Home Office criminal, financial investigation officer Christopher Foster అన్నారు. ప్రస్తుతం ఈ ఇద్దరు మహిళలు పోలీసుల కస్టడీలో ఉన్నారు. విచారణ కొనసాగుతోంది. ఈ ఘటనతో బ్రిటన్ పౌరసత్వ పరీక్షల వ్యవస్థపై అనుమానాలు పెరిగాయి.
UK లో verification నుంచి తప్పించుకోవడం అంత easy కాదు,అలాంటిది ఇంత సులువుగా ఒకే మహిళ పన్నెండు వేషాలతో, వేర్వేరు Test Centres లలో టెస్ట్ లను పూర్తిచేయడం ఆలోచించేలా చేస్తుంది.
ఇటువంటి మోసాలను అరికట్టేందుకు అధికారులు భవిష్యత్తులో మరింత కఠినమైన రూల్స్ తీసుకొచ్చే అవకాశం ఉంది.
