అమెరికా అధ్యక్షుడు డొనాల్డ్ ట్రంప్ విధించిన సుంకాల వల్ల UK వినియోగదారుల జేబులకు చిల్లుపడే అవకాశం ఉందని బ్యాంక్ ఆఫ్ ఇంగ్లాండ్ నిపుణులు హెచ్చరించారు. సుంకాలు అభివృద్ధిని దెబ్బతీస్తాయని, UK మరియు ప్రపంచ ఆర్థిక వ్యవస్థలకు పెద్దమొత్తంలో ఇబ్బందులను కలిగిస్తాయని బ్యాంక్ గవర్నర్ ఆండ్రూబెయిలీ అన్నారు.
యుఎస్లోకి వెళ్లే యూకే వస్తువులపై సుంకాలు విధించినట్లయితే, ఇది యూకే ఆర్థిక వ్యవస్థపై ఒత్తిడిని పెంచుతుంది. ఎందుకంటే సంస్థలు యుఎస్ వినియోగదారులకు విక్రయించడం కష్టతరం అవుతుంది. కానీ అది ద్రవ్యోల్బణాన్ని, ధరలు పెరిగే వేగాన్ని కూడా తగ్గించగలదు. సప్లై చైన్ దెబ్బతిన్నట్లయితే, వాటిని తిరిగి క్రమబద్ధీకరించాల్సివస్తే, అది UK వృద్ధిని దెబ్బతీస్తుంది మరియు ద్రవ్యోల్బణాన్ని పెంచుతుంది.
కొన్ని ముఖ్యమైన ప్రభావాలు గమనిస్తే ఎగుమతుల ఖర్చు పెరుగుతుంది. బ్రిటన్ నుండి అమెరికాకు ఎగుమతిచేసే ఉత్పత్తులపై టారీఫ్లు పెరిగితే, బ్రిటన్ కంపెనీల ఉత్పత్తులు అమెరికా మార్కెట్లో ఖరీదైనవిగా మారుతాయి. ఉద్యోగాలు ప్రభావితమవుతాయి. అమెరికాలో బ్రిటన్ ఉత్పత్తుల డిమాండ్ తగ్గితే, బ్రిటన్లోని కొన్ని పరిశ్రమలు ఉద్యోగాలను కోల్పోయేప్రమాదం ఉంది.
వినియోగదారులపై భారం, టారీఫ్లు ఉత్పత్తుల ధరలను పెంచుతాయి. దీనివల్ల అమెరికా వినియోగదారులు బ్రిటన్ వస్తువుల కోసం ఎక్కువ ధరలు చెల్లించాల్సిరావచ్చు. ఇదే విధంగా బ్రిటన్ కూడా ప్రతిస్పందనగా అమెరికా ఉత్పత్తులపై టారీఫ్లు విధిస్తే, బ్రిటన్ వినియోగదారులకు అమెరికా ఉత్పత్తులు ఖరీదైనవిగా మారతాయి.
