ఉత్తరప్రదేశ్‌లోని రాంపూర్ జిల్లాలో 11 ఏళ్ల వయస్సు గల బధిర మరియు మూగ (dumb and deaf) బాలికపై జరిగిన అత్యాచారం సంఘటన తీవ్ర ఆందోళన కలిగిస్తోంది. ఈ బాలిక మంగళవారం సాయంత్రం నుండి కనిపించకుండా పోయింది. బుధవారం ఉదయం ఆమెను గ్రామానికి సమీపంలోని పొలాల్లో అపస్మారక స్థితిలో, తీవ్ర గాయాలతో, అర్ధనగ్నంగా కనుగొన్నారు.
పోలీసులు ఈ కేసులో దాన్ సింగ్ అనే 24 ఏళ్ల వ్యక్తిని అరెస్టు చేశారు. అతను అదే గ్రామానికి చెందినవాడు. అతన్ని అరెస్టు చేసే ప్రయత్నంలో పోలీసులపై కాల్పులు జరిపాడు, తిరిగి పోలీసులు ఎదురుకాల్పులు జరిపటంతో అతని కాలికి గాయమవగా అతన్ని అదుపులోకి తీసుకున్నారు.
బాలికకు మెరుగైన వైద్యం అందించేందుకు ఆమెను మీరట్‌లోని ఆసుపత్రికి తరలించారు. ఈ కేసును పోక్సో చట్టం కింద నమోదు చేశారు. ఆ చిన్నారికి చికిత్స అందించిన డాక్టర్ కీలక విషయాలు వెల్లడించారు. ఆమెపై ఒకరి కంటే ఎక్కువమంది అత్యాచారం చేశారని, ఆమె ముఖం మీద, ప్రైవేట్ భాగాల మీద గాయాలున్నట్లు ఆ డాక్టర్ తెలియచేశారు.
ఈ దారుణ ఘటనపై దేశవ్యాప్తంగా తీవ్ర ఆగ్రహం వ్యక్తమవుతోంది. బాధిత కుటుంబానికి న్యాయం కల్పించేందుకు అధికారులు చర్యలు తీసుకుంటున్నారు.
