పాలస్తీన మూలాలున్న బ్రిటిష్ పార్లమెంట్ సభ్యురాలు లైలా మోరన్ గాజాలో నెలకొన్న దారుణమైన పరిస్థితులపై తీవ్ర ఆందోళన వ్యక్తం చేశారు. అక్కడ నెలకొన్న పరిస్థితిని ఆమె “క్రూరమైన పేదరికం” గా వర్ణిస్తూ, ఇజ్రాయెల్ చర్యలపై అంతర్జాతీయ సమాజం మరింత కఠినంగా స్పందించాల్సిన అవసరం ఉంది అని వ్యాఖ్యానించారు.
గాజాలో మౌలిక వసతుల ప్రభావం, ఆహార కొరత, వైద్య సదుపాయాల లేమి వల్ల లక్షలాది ప్రజలు మానవీయ సంక్షోభాన్ని ఎదుర్కొంటున్నారని ఆమె వివరించారు. “ఇది కేవలం రాజకీయ సమస్య కాదు, ఇది మానవతా విషయం. ఇప్పుడే స్పందించకపోతే ఇది చరిత్రలో ఓ మచ్చగా మిగులుతుంది” అని మోరన్ చెప్పారు.
ఆమె ఈ వ్యాఖ్యలు బ్రిటన్ పార్లమెంట్ లో జరిగిన ఓ చర్చ సందర్భంగా చేశారు. ఈ సందర్భంగా లైలా మోరన్ బ్రిటన్ ప్రభుత్వం సహా ఇతర పశ్చిమ దేశాలు ఇజ్రాయెల్‌పై ఆర్థిక, దౌత్యపరమైన ఒత్తిడిని పెంచాలని, సివిలియన్ జీవితాల రక్షణకు చర్యలు తీసుకోవాలని కోరారు.
