ఏటీఎంలలో రూ.100 మరియు రూ.200 నోట్ల లభ్యత 2024 డిసెంబర్‌లో 65% నుండి 2025 జూన్ నాటికి 73%కి పెరిగిందని సీఎంఎస్ ఇన్ఫోసిస్టమ్స్ గణాంకాలు వెల్లడించాయి.
రిజర్వ్ బ్యాంక్ ఆఫ్ ఇండియా (ఆర్‌బీఐ) ఏప్రిల్ 2025లో జారీ చేసిన ఆదేశాల మేరకు, సెప్టెంబర్ 30, 2025 నాటికి 75% ఏటీఎంలలో ఈ చిన్న నోట్లు అందుబాటులో ఉండాలని బ్యాంకులు, వైట్ లేబుల్ ఏటీఎం ఆపరేటర్లకు సూచించింది.
సీఎంఎస్ ఇన్ఫోసిస్టమ్స్, దేశంలోని 2,15,000 ఏటీఎంలలో 73,000 నిర్వహిస్తుంది. ఈ పెరుగుదల, ముఖ్యంగా సెమీ-అర్బన్, గ్రామీణ ప్రాంతాల్లో రోజువారీ నగదు లావాదేవీలను సులభతరం చేస్తుందని సీఎంఎస్ క్యాష్ మేనేజ్‌మెంట్ ప్రెసిడెంట్ అనుష్ రాఘవన్ తెలిపారు.
