తెలంగాణలో మే 22, 2025న మూడు ముఖ్యమైన రైల్వే స్టేషన్లు—బేగంపేట (హైదరాబాద్), వరంగల్, మరియు కరీంనగర్— పునఃనిర్మాణానంతరం ప్రధాని నరేంద్ర మోదీ చేతుల మీదుగా ప్రారంభించబోతున్నారు. ఈ స్టేషన్లను ‘అమృత్ భారత్ స్టేషన్ పథకం’ కింద ఆధునీకరించారు. ఈ పథకం ద్వారా స్టేషన్లను ఆధునిక సదుపాయాలతో, ప్రయాణికుల అవసరాలకు అనుగుణంగా తీర్చిదిద్దారు. అభివృద్ధిలో భాగంగా, స్టేషన్లలో ఎస్కలేటర్లు, లిఫ్టులు, విశ్రాంతి గదులు, ఫుట్ ఓవర్ బ్రిడ్జులు, మరియు ఇతర ఆధునిక సౌకర్యాలు ఏర్పాటు చేయబడ్డాయి. ఈ మార్పులు ప్రయాణికులకు మెరుగైన అనుభవం కలిగించడమే కాకుండా, రైల్వే నెట్‌వర్క్‌ను మరింత సమర్థవంతంగా మార్చడంలో సహాయపడతాయి.
అమృత్ భారత్ స్టేషన్ పథకం
భారతీయ రైల్వేలు చిన్న మరియు మధ్య తరగతి రైల్వే స్టేషన్లను ఆధునీకరించడానికి, అంతర్జాతీయ స్థాయి సౌకర్యాలతో అభివృద్ధి చేయడానికి చేపట్టిన ఒక ప్రతిష్టాత్మక కార్యక్రమం. ఈ పథకం 2022లో ప్రారంభమై, దేశవ్యాప్తంగా 1,275 రైల్వే స్టేషన్లను ఆధునీకరించడం లక్ష్యంగా పెట్టుకుంది.
ప్రధాన లక్ష్యాలు:
ఆధునిక సౌకర్యాలు: స్టేషన్లలో ఎస్కలేటర్లు, లిఫ్ట్‌లు, ఉచిత వై-ఫై, ఆధునిక వెయిటింగ్ హాల్స్, ఫుడ్ కోర్టులు, ఆధునిక బాత్‌రూమ్స్ వంటి సౌకర్యాలను అందించడం.
ప్రయాణికుల సౌలభ్యం: వృద్ధులు, దివ్యాంగులు, మహిళలు, పిల్లలకు సులభమైన యాక్సెస్‌తో కూడిన స్టేషన్ల నిర్మాణం.
సాంస్కృతిక సమ్మేళనం: స్థానిక సంస్కృతి, కళలను ప్రతిబింబించే డిజైన్లు, వన్ నేషన్-వన్ ప్రోడక్ట్’ కింద స్థానిక ఉత్పత్తుల స్టాల్స్.
స్థిరత్వం: పర్యావరణ అనుకూల నిర్మాణాలు, రూఫ్ ప్లాజాలు, ఎయిర్‌పోర్ట్ తరహా డిజైన్లు.
ఆర్థిక వృద్ధి: స్టేషన్ల చుట్టూ వాణిజ్య భవన సముదాయాలు, సిటీ సెంటర్ల నిర్మాణం ద్వారా ఆర్థికాభివృద్ధి.
తెలంగాణలో 39 రైల్వే స్టేషన్లు ఈ పథకం కింద అభివృద్ధి చేయబడుతున్నాయి, దీని కోసం ₹894 కోట్ల నిధులు కేటాయించబడ్డాయి. మే 22, 2025న ప్రధానమంత్రి నరేంద్ర మోదీ ద్వారా వర్చువల్‌గా ప్రారంభించబడనున్న మూడు స్టేషన్లు:
బేగంపేట్: ₹26.55 కోట్లతో పునరాభివృద్ధి
వరంగల్: ₹25.41 కోట్లతో పునరాభివృద్ధి
కరీంనగర్: 26.64 కోట్లతో పునరాభివృద్ధి,
