సరస్వతీ నది పుష్కరాలు 2025 మే 15 నుంచి మే 26 వరకు తెలంగాణలోని జయశంకర్ భూపాలపల్లి జిల్లాలోని కాళేశ్వరం త్రివేణి సంగమం వద్ద జరుగుతున్నాయి. ఈ పుష్కరాలు ప్రతి 12 సంవత్సరాలకు ఒకసారి జరుగుతాయి, బృహస్పతి మిథున రాశిలోకి ప్రవేశించినప్పుడు ఈ వేడుకలు నిర్వహిస్తారు. సరస్వతీ నది ఇక్కడ అంతర్వాహిని (అదృశ్య నది)గా గోదావరి, ప్రాణహిత నదులతో కలుస్తుందని పురాణాలు చెబుతున్నాయి.
సరస్వతీ నది హిందూ పురాణాల్లో పవిత్రమైనదిగా భావించబడుతుంది. ఋగ్వేదంలో దీనిని ఉత్తమ నదిగా, దేవతగా కీర్తించారు. పుష్కర స్నానం చేయడం వల్ల పాపాల నుంచి విముక్తి లభిస్తుందని భక్తులు విశ్వసిస్తారు. కాళేశ్వరంలో గోదావరి, ప్రాణహిత, సరస్వతి నదుల సంగమం ఈ క్షేత్రాన్ని మరింత పవిత్రం చేస్తుంది. సరస్వతీ పుష్కరాలు ఉత్తరాఖండ్‌లోని మానా గ్రామం (బద్రీనాథ్ సమీపంలో), ప్రయాగ్‌రాజ్‌లోని త్రివేణి సంగమం (గంగా, యమునా, సరస్వతి కలయిక), మరియు గుజరాత్‌లోని సిద్ధపూర్‌లో కూడా జరుగుతాయి
పుష్కరాల సమయంలో జరుగు ముఖ్య కార్యాలు: స్నానం: పుష్కరస్నానం పాపక్షయానికి కారణమని విశ్వసిస్తారు. దేవతలకు తర్పణాలు, పిండప్రదానం చేయడం. అన్నదానం, వస్ర్తదానం, గోదానం వంటి దానాలు. పూజలు: నదీ పూజ, గంగా పూజ, సరస్వతీ పూజ వంటి ప్రత్యేక పూజలు. తెలంగాణ ప్రభుత్వం ప్రత్యేక వెబ్‌సైట్ మరియు మొబైల్ యాప్‌ను అందుబాటులోకి తెచ్చింది, దీని ద్వారా భక్తులు మరిన్ని వివరాలు తెలుసుకోవచ్చు. ఈ పుష్కరాలు తెలంగాణలో తొలిసారి ఘనంగా నిర్వహించబడుతున్నాయి, మరియు లక్షలాది మంది భక్తులు హాజరయ్యే అవకాశం ఉంది.
