బ్రిటన్ ప్రధానమంత్రి కీర్ స్టార్మర్ సంబంధించిన ఆస్తులపై జరిగిన అగ్నిప్రమాదాల కేసులో రెండవ వ్యక్తిగా రొమేనియా జాతీయుడు స్టానిస్లోవ్ కర్పియుక్ 26)పై అభియోగాలు నమోదయ్యాయి. లండన్లోని లూతో విమానాశ్రయంలో మే 18, 2025న కౌంటర్ టెర్రరిజం పోలీసులు అతన్ని అరెస్టు చేశారు. అతనిపై “జీవితాలను ప్రమాదంలోకి నెట్టే ఉద్దేశ్యంతో కుట్రలో భాగంగా అగ్నిప్రమాదం చేసినట్లు” అభియోగం మోపారు. అతను ఉక్రెయిన్ జాతీయుడు రోమన్ లావిరినోవిచ్ (21), ఇంకా ఇతర తెలియని వ్యక్తులతో కలిసి ఈ కుట్రలో పాల్గొన్నట్లు ఆరోపణలు ఉన్నాయి. లావిరినోవిచ్ పై ఇప్పటికే మూడు అగ్నిప్రమాద ఆరోపణలతో (జీవితాలను ప్రమాదంలోకి నెట్టే ఉద్దేశ్యంతో) కేసు నమోదై, అతను మే 16, 2025న వెస్ట్ మినిస్టర్ మెజిస్ట్రేట్ కోర్టు లో హాజరై, జూన్ 6న ఓల్డ్ బ్యాలీ లోమరో విచారణకు హాజరు కావాల్సి ఉంది.
ఈ ఘటనలు మూడు అగ్నిప్రమాదాలకు సంబంధించినవి:
మే 8, 2025: కెంటిష్ టౌన్ లో స్టార్మెర్ కు గతంలో చెందిన టొయోటా RAV4 కారుపై అగ్నిప్రమాదం.
మే 11, 2025: ఇస్లింగ్టన్లోని ఒక భవంతి ముందు తలుపు వద్ద చిన్న అగ్నిప్రమాదం, ఇది 1990లలో స్టార్మెర్ నివసించిన ఫ్లాట్‌లుగా మార్చబడిన ఇల్లు.
మే 12, 2025: కెంటిష్ టౌన్ లో స్టార్మర్కు కుటుంబ ఇంటి ప్రవేశ ద్వారం వద్ద అగ్నిప్రమాదం. ఇది ప్రస్తుతం అతని బావమరిదికి అద్దెకు ఇవ్వబడింది.
ఈ మూడు ఘటనలను మెట్రోపాలిటన్ పోలీసుల కౌంటర్ టెర్రరిజం కమాండ్ దర్యాప్తు చేస్తోంది. ఎందుకంటే ఈ ఆస్తులు ఒక ప్రముఖ రాజకీయ వ్యక్తితో సంబంధం కలిగి ఉన్నాయి. ఈ దాడులను లక్ష్యంగా చేసుకున్నవని పోలీసులు భావిస్తున్నారు. అయితే ఈ దాడుల వెనుక ఉద్దేశ్యం ఇంకా స్పష్టంగా తెలియలేదు. ఈ ఘటనల్లో ఎవరూ గాయపడలేదు. కానీ ఆస్తులకు నష్టం వాటిల్లింది.
కర్పియుక్ మే 20, 2025న వెస్ట్ మినిస్టర్ మేజిస్ట్రేట్ కోర్టులో హాజరు కాగా అతనికి బెయిల్ నిరాకరించబడింది. ఈ కేసును “ప్రజాస్వామ్యంపై దాడి”గా ఖండిస్తూ, కన్సర్వేటివ్ పార్టీ నాయకురాలు కెమి బడేనోచ్, షాడో జస్టిస్ సెక్రటరీ రాబర్ట్ జెన్రిక్ స్టార్మెర్ కుటుంబానికి మద్దతు తెలిపారు.
