సుడాన్‌లో అత్యాచారాన్ని వ్యవస్థాపితంగా యుద్ధ ఆయుధంగా ఉపయోగిస్తున్నారని ఒక UN agency హెచ్చరించింది. ఈ యుద్ధం మూడో సంవత్సరంలోకి ప్రవేశించగా ఈ విషాదకర విషయం Reuters report లో వెల్లడైంది.
జనీవాలో విలేకరులతో వీడియో లింక్ ద్వారా మాట్లాడిన UN ఉమెన్ ప్రాంతీయ డైరెక్టర్ Anna Mutavati చెప్పిన వివరాల ప్రకారం:
“అత్యాచారం మరియు లైంగిక హింస నుండి బతికిన మహిళలకు కావలసిన అత్యవసర సహాయానికి డిమాండ్ 288 శాతం పెరిగింది. లైంగిక హింసను యుద్ధ ఆయుధంగా ఉపయోగిస్తున్న ఘోరమైన పరిస్థితిని చూస్తున్నాం,” అని ఆమె పేర్కొన్నారు.
“స్త్రీల శరీరాలు యుద్ధ మైదానాలుగా మారిపోయాయి,” అని ఆమె అన్నారు. అయితే సుడాన్ యుద్ధంలో ఈ అమానవీయ చర్యలకు ఎటువంటి పక్షం బాధ్యతవహించిందనేది ఆమె వెల్లడించలేదు.
2023 ఏప్రిల్‌లో ప్రారంభమైన యుద్ధం సుడాన్ సైన్యం మరియు Paramilitary Rapid Support Forces (RSF) మధ్య కొనసాగుతోంది. ఇది సివిలియన్ పరిపాలనకు మారే ఆశలను తుంచేసింది.
ఈ సంఘర్షణలో మిలియన్ల మంది బలవంతంగా తరలించబడ్డారు, ముఖ్యంగా డార్ఫూర్ ప్రాంతం పూర్తిగా నాశనం అయింది. ఆ ప్రాంతంలో సైన్యం ముందుకుసాగుతున్న నేపథ్యంలో RSF తమ ఆధిపత్యాన్ని నిలబెట్టుకునేందుకు పోరాటం చేస్తోంది.
మరింత దారుణంగా, ముటవతి చెప్పారు:
“ఇది కేవలం పైపైనే కనిపిస్తున్నది మాత్రమే. ఎందుకంటే అత్యాచారానికి గురైన ప్రతి మహిళను సమాజం నిందిస్తుంది. అందువల్ల చాలా మంది బయటకు రారు.”
ఒక UN fact-finding mission గత సంవత్సరం, చిన్న పిల్లలపై అత్యాచారం సహా విస్తృత స్థాయిలో లైంగిక దాడులను “అలజడి కలిగించే స్థాయిలో ఉన్నాయని వర్ణించింది. అందులో చాలా వరకు కేసులు RSF మరియు వారి మిత్రులు జరిపినవేనని చెప్పింది. అయితే సైన్యం ఆధీనంలో ఉన్న ప్రాంతాల్లో నివేదికలు ఇవ్వడం మరింత కష్టం అయ్యిందని కూడా పేర్కొంది.
ఇంకొక యుఎన్ ఏజెన్సీ ప్రతినిధి మొహమ్మద్ రెఫాత్ తెలిపినదానిబట్టి:
“ఖర్తూమ్‌లో నేను కలిసిన కొందరు మహిళలు తమ గాయపడ్డ భర్తలు, అరుస్తున్న పిల్లల ఎదుటనే తమపై లైంగిక దాడి జరిగినట్లు చెప్పారు.”
“నా జీవితంలో ఇంతటి దారుణంగా బాధపడ్డ మహిళలను నేను ఎప్పుడూ చూడలేదు,” అని రెఫాత్ అన్నారు, ఆయనే సుడాన్‌లో అంతర్జాతీయ వలసల సంస్థ (IOM) మిషన్ కు నాయకత్వం వహిస్తున్నారు.
ఈ యుద్ధంలో మహిళలపై జరుగుతున్న పీడన అంతర్జాతీయ మానవహక్కుల విపరీత ఉల్లంఘనగా నిలుస్తోంది.
