ఉత్తర ప్రదేశ్‌లోని Pilibhit జిల్లా Kasba Barkheda కు చెందిన ముస్లిం జర్నలిస్టులు ఇస్రార్, అతని భార్య మిరాజ్‌ ఇద్దరూ విషం సేవించుకున్నారు. రోడ్డు నిర్మాణంలో అవినీతిని బయటపెట్టిన తర్వాత అధికారుల నుంచి తీవ్ర వేధింపులు ఎదురైనట్లు వారు ఆరోపించారు.
విషం సేవించే ముందు, Israr మరియు Miraj ఒక వీడియోలో బిసల్పూర్ ఎస్‌డిఎం నాగేంద్ర పాండే, బర్కేడా నగర్ పంచాయత్ చైర్మన్ శ్యామ్ బిహారీ భోజ్వాల్, కాంట్రాక్టర్ మొయిన్ తమను వేధించారని తీవ్ర ఆవేదనతో తెలిపారు.
వీడియోలో Israr మాట్లాడుతూ, “కొన్ని రోజుల క్రితం నేను రోడ్డు నిర్మాణ అవినీతిపై ఒక కథనం ప్రచురించాను. ముఖ్యమంత్రి ఆ విషయంపై స్పందించారు. దాంతో, మే 19న రాత్రి నాపై కేసు నమోదు చేశారు. అప్పటి నుంచి నాకు చాలా వేధింపులు ఎదురయ్యాయి,” అని చెప్పారు.
“ఇప్పుడేం చేయాలో అర్థం కాక, మేము విషం తాగాల్సిన పరిస్థితిలోకి వచ్చాం. బిసల్పూర్ ఎస్‌డిఎం నాగేంద్ర పాండే, నగర్ పంచాయత్ చైర్మన్ శ్యామ్ బిహారీ భోజ్వాల్, కాంట్రాక్టర్ మొయిన్ మమ్మల్ని ఈ స్థాయిలో వేధించారు,” అని ఆవేదన వ్యక్తం చేశారు.
Israr ముఖ్యమంత్రి యోగి ఆదిత్యనాథ్‌కు విజ్ఞప్తి చేస్తూ, “పోలీసులు మా ఇంటికి వచ్చిన తర్వాత మా కుటుంబాన్నే వేధించారు. అందుకే మేము విషం తాగుతున్నాం. యోగిజీ, మాకూ న్యాయం కావాలి,” అని అన్నారు.
వీడియోలో ఆ దంపతులు విషం సేవించడం కనిపిస్తుంది. ఆ వీడియో వైరల్‌ కావడంతో వారి బంధువులు, కుటుంబ సభ్యులు హుటాహుటిన జిల్లా ఆసుపత్రికి తరలించి చికిత్స అందించారు.
బర్కేడా పోలీసులు కాంట్రాక్టర్ మొయిన్ ఫిర్యాదుపై Israr పై బెదిరింపు కేసు నమోదు చేసిన తర్వాత దంపతులు పరారీలో ఉన్నారు. పోలీసులు తరచూ వారి ఇంటిపై దాడులు నిర్వహించడంతో Israr తీవ్ర మానసిక ఒత్తిడికి గురయ్యారు.
తాను అవినీతి గురించి మాట్లాడినందుకే తనపై తప్పుడు కేసు పెట్టారని Israr ఆరోపించారు.
ప్రస్తుతం Israr, Miraj దంపతులు తీవ్రమైన పరిస్థితిలో జిల్లా ఆసుపత్రిలో చికిత్స పొందుతున్నారు. కేసు విచారణ ప్రారంభించామని బిసల్పూర్ సీఓ తెలిపారు.
