క్రికెటర్ KL Rahul దంపతులకు ఆడపిల్ల పుట్టింది. ఈ వార్తని రాహుల్, అతని భార్య అతియా శెట్టి సామాజిక మాధ్యమాల్లో సంతోషంగా పంచుకున్నారు. ఇంతవరకు బాగానే వున్నది. రాహుల్, అతియాలు తమ బిడ్డతో వున్నట్లుగా చెప్పబడుతున్న ఫోటో ఒకటి సోషల్ మీడియాలో హల్చల్ చేస్తున్నది. అయితే ఈ ఫోటో ఫేక్ అని తేలింది. తమకి బిడ్డ పుట్టిందని ఆ జంట ప్రకటించిన కొన్నిగంటల్లోనే AI సహాయంతో రూపొందించిన ఫోటో సోషల్ మీడియాలో చక్కెర్లు కొట్టింది. అచ్చం ఒరిజినల్ ఫోటోలా వున్న ఈ AI ఫోటోని రాహుల్ అభిమానులు విపరీతంగా షేర్ చేశారు.
అయితే ఈ ఫోటో ఫేక్ అని ఎలా బైటపడిందంటే రాహుల్ చాలా కాలంగా నెత్తిమీద జులపాలు పెంచుతున్నాడు. అమ్మాయి పుట్టిన తరువాత IPL మ్యాచ్ లో జులపాలతోనే కనిపించాడు. కానీ వైరల్ అయిన నకిలీ ఫోటోలో రాహుల్ మామూలు క్రాఫ్ తో వున్నాడు. “సైట్ ఇంజిన్” అనే AI డిటెక్టర్ టూల్ ఈ ఫోటో ఫేక్ అని తేల్చింది. చెప్పాల్సిన విషయం ఏమంటే గత నవంబర్లో తాము తల్లిదండ్రులం కాబోతున్నామని ప్రకటించారు. ఆ తరువాత రెండు నెలలకి ఇలాంటి AI ఫోటోలు వైరల్ అయ్యాయి.
కొంతమంది సరదాకి చేసే ఇలాంటి ప్రయోగాలు కొన్ని సందర్భాల్లో వికటించి ప్రమాదకరంగా సంభవించొచ్చని, అందుచేత నెటిజన్స్ అప్రమత్తతతో వ్యవహరించి, వేరిఫై చేసుకునే ఫోటోల్ని షేర్ చేయాలని నిపుణులు హెచ్చరిస్తున్నారు.
