రైతుబంధు రావట్లేదని ఒక రైతు frustrationతో మాట్లాడిన వీడియో ప్రసారం చేసినందుకు జర్నలిస్ట్ రేవతి పొగడదండని పోలీసులు అరెస్ట్ చేశారు.
ఉదయం 4 గంటల సమయంలో 12 మంది మఫ్టీ పోలీసులతో ఆమె ఇంటికి వచ్చారు.
రేవతి ఫోన్, ఆమె భర్త దర్శకుడు చైతన్య దంతులూరి ఫోన్, ల్యాప్టాప్లను బలవంతంగా లాక్కెళ్లారు
రేవతికి సంబంధించిన పల్స్ యూట్యూబ్ ఆఫీస్ను సైతం సీజ్ చేశారు.
ఒక జర్నలిస్టుని అరెస్ట్ చేయడమంటే మామూలుగా ఆలోచిస్తే పత్రికా స్వేచ్ఛ మీద దాడి చేయడమే. ఒక యూట్యుబ్బర్ గా ఓ రైతుని తాను పొందుతున్న ప్రభుత్వ పథకాల లబ్ది గురించి అడగటంలో, అతన్నుండి సమాధానం రాబట్టడంలో తప్పేముంది అని మనకి వెంటనే అనిపిస్తుంది. అయితే ఆ ఇంటర్వ్యూలో వృద్ధుడైన రైతు ఉపయోగించిన భాషే దారుణంగా, అభ్యంతరకరంగా, అశ్లీలంగా, దుర్భాషలతో వుంది. జర్నలిజం ప్రమాణాల ప్రకారం చూస్తే ఆ వీడియో ప్రసారానికి అర్హనీయం కాదు. రేవతి ఏమీ కొత్తగా జర్నలిజంలోకి రాలేదు. జర్నలిజానికి సంబంధించిన వృత్తి విలువలు (ప్రొఫెషనల్ ఎథిక్స్) ఆవిడకి తెలియదనుకోడానికి లేదు. వృద్ధాప్య పింఛన్, రైతుబంధుల గురించి ఆవిడ అడగటంతోనే ఆ రైతు సీఎం రేవంత్ రెడ్డి మీద బూతులకు లంకించుకున్నాడు. ఆవిడ వెంటనే అతన్ని హెచ్చరించి వుండాల్సింది. ఒక నిమిషం నిడివి వున్న వీడియో చివరిలో అలా మాట్లాడ కూడదని ఆవిడ అన్నప్పటికీ ఆ రైతు తగ్గలేదు. సరే ఆ రైతు ఏదో తన స్వాభావిక గ్రామీణ సంస్కృతి ప్రకారం మాట్లాడాడే అనుకున్నా ఈమె ఆ వీడియోని విడుదల చేయకుండా వుండాల్సింది. అలా విడుదల చేయడంలో ఆవిడ సెన్సేషనలిజం క్రియేట్ చేయాలనే ఉద్దేశ్యం వుందా అనే అనుమానం వస్తుంది.
అసలే రాజకీయాలు బూతుమయం ఐపోయిన కాలం ఇది. దీన్ని ఎండగట్టడం ద్వారా ప్రక్షాళనకి పూనుకోవాల్సిన బాధ్యత ప్రధానంగా జర్నలిజం మీదనే వుంది. అలాంటిది జర్నలిస్టులే ఒక పార్టీ తరపున మరో పార్టీ పై బూతుల దాడి జరిగేలా చేయటం అవాంఛనీయం. ఏ మాత్రం సమర్ధనీయం కాదు. అసలు ఆమె నిజంగా ఒక ఇండిపెండెంట్ జర్నలిస్టుగానే వ్యవహరిస్తున్నారా, ఆవిడ వెనుక ఎవరూ లేరా అనే సందేహం కూడా కలుగుతుంది. వెనుక ఎవరైనా వుండటమంటే ఏమిటో చెప్పాల్సిన పని లేదు. అంటే ఒక పార్టీ తరపున పని చేయటమే. ఊరకనే పని చేయరు కదా? బీఆరెస్ కమ్యూనిస్ట్ పార్టీల్లా ఉద్యమ పార్టీ ఐతే కాదు. కాంగ్రెస్ ఎంతో ఆ పార్టీ కూడా అంతే. ధనం ప్రమేయం లేకుండానే ఇలాంటి వీడియో తయారు చేసి REVATHI జనం మీదకి వదిలారా తెలియాల్సి వుంది ?
బీఅరెస్ పరిపాలన సమయంలో ఇదే రేవతిపై కేసులు పెట్టి అరెస్ట్ చేశారు. అప్పుడు ఆవిడపై విరుచుకుపడ్డ బీఆరెస్ కేడర్ ఇప్పుడు రేవంత్ రెడ్డిని బూతుల బారిన పడేసినందుకు అరెస్టైన రేవతికి మద్దతుగా నిలుస్తున్నారు. అవకాశవాదాన్ని ఓ కళగా రాజకీయ రంగం అధ్యయనం చేస్తుందనటానికి ఇంతకంటే వేరే సాక్ష్యం అవసరం లేదు.
పత్రికా స్వేచ్ఛైనా, మరే ఇతర స్వేచ్ఛైనా బాధ్యతలతోనే కూడుకున్నదే. నైతిక ప్రమాణాలకు, హుందాతనానికి, గౌరవానికి కట్టుబడి వుండాల్సిందే. అలాగని ఏదో మరీ తెల్లవారుజామున ఎన్.ఐ.ఏ. ఏజెంట్లలా ఇంటి మీద దాడి చేసి, అరెస్ట్ చేసి, కంప్యూటర్లు, లాప్ టాప్స్ పట్టుకుపోవాల్సినంత అవసరం ఐతే లేదు. కానీ పోలీసులు చేశారు. ఆమెని అరెస్ట్ చేయకుండా నోటీసులిచ్చి హెచ్చరించి వుండాల్సింది.
తాను సీనియర్ Independent జర్నలిస్ట్ అయి వుండి అలా చేయడం సరి కాదు,
ఒక సీనియర్ జర్నలిస్ట్ గా తనకి బేసిక్స్ etiquittes/ రూల్స్ తెలిసివుండాలి లేదా ఇంకా నేర్చుకునే phase లో అయినా వుండివుండాలి.
తాను కావాలని లెక్కలేనితనంతో అయినా చేసుండాలి లేదా ఇంకేదైనా పార్టీ కి favour గా అయినా చేసుండాలి
అసభ్య జర్నలిజానికి, అధికార అభీష్టానికి మధ్య జరిగిన పోరాటం ఎటు పోతుందో చూద్దాం.
