శుక్రవారం నాడు ఒక మహిళా ట్రైనీపై పోలీస్ SI లైంగిక దాడికి ప్రయత్నించిన దిగ్భ్రాంతికర సంఘటన ఉత్తరప్రదేశ్లోని మధుర జిల్లాలోని స్థానిక పోలీస్ స్టేషన్ లోపల జరిగింది.
సమాచారం ప్రకారం, ట్రైనీ (27) రాత్రి డ్యూటీ తర్వాత గురువారం ఉదయం పోలీస్ స్టేషన్ లోపల తన గదిలో విశ్రాంతి తీసుకుంటుండగా, నిందితుడు పోలీస్ సబ్-ఇన్స్పెక్టర్ (39) మద్యం మత్తులో ఆమె గదిలోకి ప్రవేశించి ఆమెపై అత్యాచార యత్నం చేశాడు.
ప్రాథమిక దర్యాప్తు తర్వాత పోలీసులు మాట్లాడుతూ, “ఈ సంఘటన అర్ధరాత్రి 12:30 నుండి తెల్లవారుజామున 3 గంటల మధ్య జరిగింది. నిందితుడు మొదట తలుపు తట్టి, ఆపై ఆమె తలుపు తెరిచినప్పుడు బలవంతంగా గదిలోకి చొరబడ్డాడు. అతను ఆమెపై లైంగిక దాడికి ప్రయత్నించాడు.”
SI ట్రైనీపై లైంగిక దాడికి పాల్పడటంతో, ఆమె కేకలువేయగా, పోలీస్ స్టేషన్లోని ఇతరులు గదిలోకి పరిగెత్తుకుంటూ వచ్చి అతన్ని అదుపులోకి తీసుకున్నారు. నిందితుడు తన ఫోన్ నుండి ఆమెకు అసభ్యకర కంటెంట్ ను చూపించడానికి ప్రయత్నించాడని పోలీసులు తెలిపారు.
స్టేషన్లో ఏర్పాటు చేసిన CCTVని కూడా పోలీసులు తనిఖీచేసి, మద్యంమత్తులో ఉన్న SI ని అరెస్టు చేశారు. విచారణ సమయంలో ఆధారాలను చెరిపేసే ప్రయత్నంలో నిందితుడు తన ఫోన్, స్మార్ట్ వాచ్ను పారేసాడు. అతను అక్కడి నుండి పారిపోవడానికి ప్రయత్నించాడు కానీ పట్టుబడ్డాడు.
నిందితుడైన SIపై BNS సెక్షన్లు 64(2) మరియు SC/ST చట్టంకింద కేసు నమోదు చేయబడింది. అతనిని తొలగించే ప్రక్రియ జరుగుతోంది.
